នោះគឺខ្សែបម្រើឆ្នើម Paul Pogba ដែលសុពលភាពកុងត្រារបស់គេត្រូវផុតនៅចុងខែមិថុនា ឆ្នាំក្រោយ ហើយគេមិនទាន់ព្រមព្រៀងលើការបន្តកុងត្រាថ្មីនៅឡើយ ខណៈដែលក្លឹបអេស្ប៉ាញក៏តាមសម្លឹងមិនដាក់ភ្នែក ព្រោះចង់ឆ្លៀតឱកាសល្អនេះ ចរចាយកតារាឆ្នើមសញ្ជាតិបារាំង ដោយមិនបាច់ចាយលុយធំ។
តាមសារព័ត៌មាន Marca បានឲ្យដឹងថា Real Madrid នឹងយកកីឡាករកំពូល ២ រូបមាន Pogba និង Mbappe មកចូលរួមនៅរដូវក្តៅឆ្នាំក្រោយ ហើយពួគគេនឹងផ្តល់កិច្ចព្រមព្រៀងមួយពេញចិត្ត ដើម្បីថ្ពក់យកអ្នកទាំងពីរ ចេញពីការចរចានៃភាគីក្លឹបដទៃដែលចង់បាន។
សម្រាប់ Pogba គេនឹងឈានចូលវ័យ ២៩ ឆ្នាំហើយនៅខែមិនា ឆ្នាំ ២០២២ ដូច្នេះសម្រាប់ការចរចាថ្មីទាំងឡាយ មិនថាតែជាមួយក្លឹបបច្ចុប្បន្ន ឬក្លឹបថ្មី Real Madrid គេនឹងត្រូវល្អិតល្អន់បន្តិច ព្រោះវាទំនងជាកុងត្រាចុងក្រោយមុនបញ្ចប់អាជីព។ តារាឆ្នើមរូបនេះ មានភ្នាក់ងារលោក Mino Raiola ជាអ្នករត់ការ ហើយកិច្ចព្រមព្រៀងផ្សេងៗទំនងជានឹងចាប់ផ្តើមជជែកពិភាក្សាពីខែមករាខាងមុខតទៅ៕
0 comments:
Post a Comment