ក្នុងអត្ថបទនេះ CamboTrends សូមរំឭកនៅសម្រង់សម្តីខ្លីៗរបស់កីឡាករទាំង ៤ រូបនៅ Man Utd ដែលបាននិយាយអំពី Cristiano Ronaldo ខ្លះលើកឡើងមុន និងខ្លះនិយាយក្រោយកីឡាករព័រទុយហ្គាល់ផ្ទេរមក Old Trafford។
Paul Pogba និយាយថា៖ “តាមពិតទៅសម្រាប់ខ្ញុំគឺគ្មានកីឡាករណាដែលល្អបំផុតនោះទេ រវាង Ronaldo និង Messi ដោយពួកគេជាកីឡាករពីរផ្សេងគ្នា ហើយជាកីឡាករដែលអាចឲ្យយើងរីករាយនឹងការមើលពួកគេលេង”។
Harry Maguire ថា៖ “សម្រាប់ខ្ញុំ Ronaldo គឺជាកីឡាករល្អបំផុតគ្រប់ពេលវេលានៅក្នុងការប្រកួត”។ រីឯ Bruno Fernandes ជាមិត្តរួមសញ្ជាតិផ្ទាល់ លើកឡើងបែបនេះ៖ “ខ្ញុំមិនធ្លាប់ឃើញ Pele លេងដោយផ្ទាល់ទេ ដូច្នេះខ្ញុំមិនអាចនិយាយថាគាត់ជាកីឡាករល្អបំផុតគ្រប់ពេលវេលាឡើយ ដូច្នេះសម្រាប់ខ្ញុំ គឺ Cristiano ជាកីឡាករដ៏ល្អបំផុត”។
Marcus Rashford ថា៖ “ខ្ញុំជាអ្នកគាំទ្រពេញទំហឹងរបស់ Ronaldo តែសម្រាប់ខ្ញុំគិតថា Messi ជាកីឡាករល្អបំផុតគ្រប់ពេលវេលា”។ គួរបញ្ជាក់ថា Rashford គឺបញ្ចេញមតិដូចទៅនឹង Mason Greenwood ក៏ដូចជា Scott McTominay ដែលនិយាយថា កីឡាករអាហ្សង់ទីន Messi ទើបសក្តិសមជាកីឡាករល្អបំផុតក្នុងលោក តែយ៉ាងណាមិនច្បាស់ថា ពួកគេបន្តយល់ឃើញបែបណាទៀតនោះទេ ក្រោយការផ្ទេររបស់ CR7 សារនេះ៕
0 comments:
Post a Comment